Hörmətli tələbələr,2020/2021-ci tədris ili üçün SABAH qruplarına tələbə seçimi müsabiqəsinin ikinci mərhələsi (test imtahanı) 27 AVQUST 2020-ci il tarixində keçiriləcəkdir.
İmtahanlar pandemiya şəraiti və xüsusi karantin rejimi tələblərinə uyğun olaraq təşkil ediləcək. İmtahan mərhələsi imtahan iştirakçılarının sorğuya əsasən qeyd etdikləri faktiki yaşadıqları regionlar nəzərə alınmaqla təyin edilmiş mərkəzi regional bölmələrdə keçiriləcəkdir. Mərkəzi regional bölmələrin siyahısı aşağıdakı kimidir:
| Bölgə | Təyin olunduğu Mərkəzi Regional Bölgə |
| Ağsu | Bakı |
| Bakı | Bakı |
| Qobustan | Bakı |
| Şamaxı | Bakı |
| Şirvan | Bakı |
| Sumqayıt | Bakı |
| Xırdalan | Bakı |
| Hacıqabul | Bakı |
| Ağcabədi | Bərdə |
| Ağdam | Bərdə |
| Ağdaş | Bərdə |
| Bərdə | Bərdə |
| Beyləqan | Bərdə |
| Fizuli | Bərdə |
| Göyçay | Bərdə |
| Horadiz | Bərdə |
| Kürdəmir | Bərdə |
| Tərtər | Bərdə |
| Ucar | Bərdə |
| Yevlax | Bərdə |
| Zərdab | Bərdə |
| İmişli | Bərdə |
| Ağstafa | Gəncə |
| Gədəbəy | Gəncə |
| Gəncə | Gəncə |
| Goranboy | Gəncə |
| Göygöl | Gəncə |
| Mingəçevir | Gəncə |
| Qazax | Gəncə |
| Qovlar | Gəncə |
| Samux | Gəncə |
| Şəmkir | Gəncə |
| Tovuz | Gəncə |
| Astara | Lənkəran |
| Biləsuvar | Lənkəran |
| Cəlilabad | Lənkəran |
| Lənkəran | Lənkəran |
| Lerik | Lənkəran |
| Masallı | Lənkəran |
| Neftçala | Lənkəran |
| Saatlı | Lənkəran |
| Sabirabad | Lənkəran |
| Salyan | Lənkəran |
| Yardımlı | Lənkəran |
| Culfa | Naxçıvan |
| Naxçıvan | Naxçıvan |
| Ordubad | Naxçıvan |
| Şahbuz | Naxçıvan |
| Şərur | Naxçıvan |
| Balakən | Şəki |
| İsmayıllı | Şəki |
| Oğuz | Şəki |
| Qax | Şəki |
| Qəbələ | Şəki |
| Şəki | Şəki |
| Zaqatala | Şəki |
| Quba | Xaçmaz |
| Qusar | Xaçmaz |
| Şabran | Xaçmaz |
| Sizəyən | Xaçmaz |
| Xaçmaz | Xaçmaz |
| Xızı | Xaçmaz |
| Xudat | Xaçmaz |
Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.
İmtahan iştirakçıları imtahana buraxılış vərəqəsi və şəxsiyyətini təsdiq edən sənədin əslini (şəxsiyyət vəsiqəsi olmadığı təqdirdə, ümumvətəndaş (xarici) pasportu) karantin postlarına təqdim etdikdə sərtləşdirilmiş karantin rejimi tətbiq olunan bölgələrə buraxılacaqlar (icazələr imtahan günü üçün alınır).
İmtahan iştirakçısı “İmtahana buraxılış vərəqəsi” ilə bir yerdə onu müşayiət edəcək 1 nəfər üçün arayış da çap edə bilər. Arayış imtahan iştirakçısı tərəfindən doldurulmalı və imzası ilə təsdiqlənməlidir. Arayış yoxlama zamanı şəxsiyyət vəsiqəsi ilə birlikdə təqdim edilir və imtahan iştirakçısının özü iştirak etdikdə (imtahan binasının yaxınlığında gözləmək istisna olmaqla) və onun müvafiq sənədləri (şəxsiyyət vəsiqəsi, imtahana buraxılış vərəqəsi) təqdim edildikdə etibarlıdır. Bir imtahan iştirakçısını birdən artıq şəxs müşayiət edə bilməz.
Karantin rejimi tətbiq olunan bölgələrdəki imtahan iştirakçıları haqqında məlumat bazası aidiyyəti qurumlara təqdim ediləcək, imtahan iştirakçılarının və ehtiyac olarsa, iştirakçını müşayiət edən bir nəfərin imtahan binasına gedib və imtahandan sonra qayıtmasına icazə veriləcək.
İmtahana buraxılış vərəqəsini müvafiq keçid vasitəsilə yükləyə və çap edə bilərsiniz.