Baki Dövlət Universitetində SABAH qrup tələbələri “Ən yaxşı tələbə elmi tədqiqat işi” müsabiqəsində mukafata layıq görülüblər.

Bakı Dövlət Universitetinin SABAH qruplarının tələbələri  Baki Dövlət Universitetində  Ümummilli Lider Heydər Əliyevin anadan olmasının 93 illiyinə həsr olunmuş “Coğrafi problemlərin həllində innovativ texnologiyalardan istifadə” mövzusunda elmi konfransında iştirak ediblər.  KonfransdaBakı Dövlət Universitetinin Elm və innovasiya üzrə  prorektoru  prof. A.H.Kazımzadə, BDU Coğrafiya fakultəsinin dekanı F.Ə.İmanov, BDU Azərbaycan Coğrafiya cəmiyyətinin BDU filialı coğrafiya fakultəsinin Tələbə Elmi cəmiyyətinin sədri  Ə.T. Talıbov, o cümlədənBakı Dövlət Universitetinin onlarla  bakalavr və magistrantları qatılıb. Bakı Dövlət Universiteti Coğrafiya ixtisasının SABAH qruplarının tələbələri də konfransda iştirak etmişlər. SABAH tələbələrindən Nigar Hüseynova (“Azərbaycanın müasir dövrdə demoqrafik vəziyyəti”), Turanə Əliyeva “Azad iqtisadi zonalar və onun əhəmiyyəti”, “Brilyantın növləri və yayıldığı coğrafi ərazilər”, Fatimə Abbaszadə “Tərtər rayonunun yaranması və inkişafının əsas istiqamətləri”,  Leyla Hüseynli “Azərbaycanda turizmin inkişaf problemləri” mövzulari ilə  etdikləri maraqlı elmi məruzələrlə maraq doğurublar. Uğurlu çıxışlarına görə tələbələrdən Bakı Dövlət Universitetinin  Azərbaycan Coğrafiya cəmiyyətinin BDU filialı coğrafiya fakultəsinin Tələbə Elmi cəmiyyəti tərəfindən  “Ən yaxşı tələbə elmi tədqiqat işi” müsabiqəsində  SABAH tələbəsi Nigar Hüseynova “Azərbaycanın müasir dövrdə demoqrafik vəziyyəti”  məqaləsi ilə həvəsləndirici mükafatına layiq görülmüş, Turanə Əliyeva isə “Azad iqtisadi zonalar və onun əhəmiyyəti” məqaləsi ilə  qalib seçilmişdir.